Camp Marcelo Adduru- Arestado ang tatlong lalaking tulak ng droga sa Solana, Cagayan kahapon ng hapon, August 29, 2023.
Sa isinagawang anti-illegal drug buy bust operation ng mga awtoridad, timbog ang tatlong kalalakihan matapos magbenta ng dalawang pakete ng ng hinihinalang shabu na may Standard Drug Price na Php1,360.00 sa isang operatiba na nagpanggap bilang poseur buyer. Kinilala ang mga suspek na sina alyas Roma, 21 taong gulang; alyas Benie, 22 taong gulang; alyas Aljic, 21 taong gulang at pawang mga residente ng Tuguegarao City, Cagayan.
Dagdag pa rito, nakumpiska mula sa mga arestadong suspek ang mahigit kumulang 0.50 gramo ng hinihinalang shabu na may Standard Drug Price na Php3,400.00, isang android phone, dalawang piraso ng isang libong piso, at isang itim na kotse. Samantala, ang mga arestadong suspek at mga kumpiskadong ebidensya ay dinala sa Solana Police Station para sa kaukulang dokumentasyon at tamang disposisyon.
