Nagsagawa ng prayer ng rally for peace ang grupo ng mga nagsusulong ng kapayapaan sa Rizal Freedom Park sa Tuguegarao City, nitong Miyerkules, November 8, 2023 ng gabi bilang pagkondena sa pagpapaigting ng Enhanced Defense Cooperation Agreement o EDCA sites sa lalawigan ng Cagayan.
Ayon sa Peace for Development group, mariin nilang tinututulan ang pagdaragdag ng US ng mga EDCA sites sa bansa.
Kabilang ang Lal-lo International Airport at ang Naval Base Camilo Osias ng Santa Ana sa Cagayan ang naisama sa EDCA sites.
Kasabay ng pagwagayway sa mga tarpaulin na may mga katagang “Peace, No to War, no to EDCA,” ay ang pagtitirik ng mga kandila sa mga sumama sa rally.
Ang prayer for peace rally ay bahagi ng panawagan sa buong bansa ang pagtutol ng grupo sa pagpapalawig ng Enhanced Defense Cooperation Agreement (EDCA). Kalaunan, namigay ng bigas ang mga organizers sa dumalong mga residente.#
