Camp Marcelo A Adduru, Tuguegarao City – Sa pinaigting na kampanya kontra ilegal na droga, naging matagumpay ang isinagawang Search Warrant ng Cagayano Cops sa Centro Sur, Camalaniugan, Cagayan.
Naaresto si alyas “Jonas”, kabilang sa High Value Individual matapos makumpiska sa kanyang pangangalaga ang sampung sachet na naglalaman ng hinihinalang shabu na may tinatayang timbang na dalawang gramo at nagkakahalaga ng Php13,600.00 at drug paraphernalia.
Nasa kustodiya ngayon ng Camalaniugan Police Station si Jonas at nahaharap sa kasong paglabag sa RA 9165 o Comprehensive Dangerous Drugs Act of 2002.
Ikinagalak naman ni Police Brigadier General ang sunod-sunod na matagumpay na operasyon kontra-ilegal na droga. “Ipagpapatuloy namin ang pagpapaigting ng kampanya kontra-ilegal na droga upang tuluyan ng matuldukan ang suliranin sa mga ipinagbabawal na gamot.”
PNP Region 2 Press Release
