Labis na nanlumo si Centeno Rigor Galit matapos makitang nilamon ng rumaragasang tubig mula sa ilog ang kanilang bahay matapos matibag ang lupa na kinatitirikan nito sa Brgy. Taguntungan, Baggao, Cagayan.
Sa video na ibinahagi nito, makikitang wala naisalbang mga gamit at tanging ang ilang mga alagang mga pato at isang baboy lamang ang hindi tinangay ng agos ng tubig.
Nitong Nobyembre 11, 2024 ng gabi ay makikita sa mga video post ng ilang mga residente sa lugar ang paghingi ng tulong ng mga ito matapos ang biglaang pagragasa ng tubig sa ilog na nagbunsod ng pagkatibag ng lupa sa mga kabahayan dahil sa walang tigil na pagbuhos ng malakas na ulang dulot ng bagyong Nika.#
