NAGPALABAS ng kautusan si General Nicolas Torre III na si Police Brig. Gen. Ponce Rogelio Peñones, hindi na si Police Brig. Gen. Dindo Reyes, ang uupo na Regional Director ng PNP Region 2.
Batay sa Amendment of Unit Assignment ni General Torre, maitatalaga si Peñones sa PRO2 sa halip na sa naunang sana’y assignment nito sa PRO 6.
Papalitan ni Peñones si Brig. Gen. Antonio Marallag Jr. na maililipat bilang pinuno ng Directorate for Operations sa Kampo Crame.
Galing sa National Capital Region Police Office si Peñones.
Magaganap ang pormal na turnover ceremonies bukas, Hunyo 21, sa PRO2 Grandstand sa Tuguegarao City.#
